50 aðildarfélag eru í ASÍ, af þeim gátu 48 félög sent einn aðalmann og einn aukafulltrúa á þing ASÍ-UNG eða samtals 96 fulltrúa.

Fjórða þingið sátu samtals 32 fulltrúar, 23 aðalmenn, 6 aukafulltrúar og 3 fráfarandi stjórnarmenn ASÍ-UNG.

Gréta Sóley Sigurðardóttir fyrrverandi starfsmaður á Lebowskybar fjallaði um brot vinnuveitandans á réttindum sínum sem starfsmanns. Hún sagði mjög erfitt að vinna bug á brotum á ungu fólki. Fólk væri hrætt og hún fann það meðal samstarfsfélaga sinna.

Halldór Oddson, lögfræðingur hjá ASÍ, fór yfir þær tillögur sem settar hafa verið fram um breytingar á samþykktum ASÍ-UNG. Breytingar urðu á stjórn, í stað þess að kosið væri 9 manna stjórn og 9 manna varastjórn er nú 9 manna stjórn og 5 manna varastjórn. Virkni hafði verið litla meðal stjórnarmanna síðasta árið og erfitt að fá fólk til starfa.

Una Jónsdóttir sté því næst í ræðustól og fjallaði um stöðu ungs fólks á húsnæðismarkaði.

Þar á eftir fór Halldór Oddson með erindi um vinnumarkaðinn og fjölskylduna. Hann sagði ungt fólk almennt hafa lítið af dauðum tíma. Ungt fólk vinnur mikið og þess á milli þarf að sinna börnum og félagslífi sé tími til þess. Það gæti því verið erfitt að sinna félagsstörfum eins og ASÍ-UNG.

Í hópavinnunni var staða ungs fólks í hreyfingunni rædd og þar var umræðan sú að kraft þyrfti í starfið og að ASÍ-UNG þarf að halda áfram þó að breytingar verði á fyrirkomulaginu. Spurningarnar sem ræddar voru í hópavinnunni voru annars eftirfarandi:

• • Hvert á hlutverk ASI – ung að vera? – á það að hafa hlutverk?

• • Hvernig er hægt að auka með beinum hætti þátttöku ungs fólk í starfi stéttarfélaga?

• • Aldurskvóti – á að vera kvóti – gera þær kröfur að það sé ákveðið hlutfall yngra fólks?

• • Félagsaðild meira fljótandi hjá yngra fólki – á að takmarka fjölda fulltrúa á þing ASÍ – UNG eins og nú er? Á að heimila fleirum þátttöku? Erum við of föst við aðildarfélagakvóta?

Þegar þetta er ritað var ekki búið að vinna úr gögnum sem urðu til í hópavinnunni.
Því næst bar kjörnefnd upp tillögu að nýrri stjórn og var hún samþykkt.