Alþýðusamband Íslands

Alþýðusamband Íslands er samband stéttarfélaga launafólks á almennum vinnumarkaði, stofnað árið 1916. 

ASÍ er stærsta fjöldahreyfing launafólks á landinuen m tveir þriðju hlutar launamanna í skipulögðum samtökum á Íslandi eru í ASÍ. Sögu sambandsins má lesa hér hægra megin á síðunni en til að fræðast um það í hnotskurn er hægt að smella á hnappinn hér að neðan.

Fullyrða má að allir helstu sigrar í réttindabaráttu launafólks og allrar alþýðu hér á landi eru beint eða óbeint árangur af starfi Alþýðusambands Íslands og aðildarsamtaka þess. Það er jafnframt ljóst að þessir sigrar kostuðu oft mikil átök og miklar fórnir þess verkafólks sem stóð í eldlínunni.

Það er því mikilvægt að kynna sér og skilja sögu verkalýðshreyfingarinnar á Íslandi, til að skilja til fulls þá samfélagsgerð sem við búum við í dag.

Árið 2013 var saga ASÍ, rituð af sagnfræðingnum Sumarliða Ísleifssyni, gefin út í tveimur bindum.

Fyrra bindið ber undirtitilinn Í samtök og nær yfir tímabilið 1916-1960 og hið síðara kallast Til velferðar og nær frá 1960-2010.

Bókin var gefin út áf rafrænu formi árið 2016, á 100 ára afmæli sambandsins.