Samhliða því að Ragnar Þór Ingólfsson tekur sæti á Alþingi Íslendinga sem 5. þingmaður Reykjavíkurkjördæmis norður fyrir Flokk fólksins, lætur hann af embætti 1. varaforseta Alþýðusambands Íslands og lætur samhliða frá sér sæti í miðstjórn ASÍ.
Hjördís Þóra Sigurþórsdóttir, formaður AFLs starfsgreinafélags, tekur við af Ragnari Þór sem 1. varaforseti ASÍ. Sólveig Anna Jónsdóttir, formaður Eflingar -stéttarfélags, tekur þannig sömuleiðis við embætti 2. varaforseta.
Skipað verður í hlutverk 3. varaforseta ASÍ á næsta fundi miðstjórnar.
