Vinnueftirlitið fagnar 40 ára afmæli

Starfsöryggi, góðar vinnuaðstæður öryggi, líkamleg og andleg vellíðan á vinnustað eru með mikilvægustu hagsmuna- og réttindamálum launafólks. Af þessum sökum er öflugt vinnueftirlit afar mikilvægt öllu launafólki. Við skipulagningu vinnunnar þarf að taka ríkt tillit til hagsmuna starfsmanna og vinnuverndarsjónarmiða. Hóflegur vinnutími, álag og góð hvíld eru mikilvægir þættir í fyrirbyggjandi vinnuvernd og velferð launafólks.

Alþýðusamband Íslands vill á þessum tímamótum óska Vinnueftirlitinu til hamingju með daginn og um leið lýsa ánægju sinni með það góða starf sem þar er unnið. Drífa Snædal, forseti ASÍ, segir vinnueftirlitið hafa elfst á síðustu árum, m.a. með því að horfa ekki bara til aðbúnaðar og vinnuumhverfis heldur horfa í ríkara mæli til sálfélagslegra þátta, umhverfisþátta og heilsueflingar launafólks. Allt þetta styður við og styrkir starf verkalýðshreyfingarinnar í landinu.

Til hamingju með daginn.