Sara Dögg Svanhildardóttir, sviðsstjóri fræðslu- og upplýsingasviðs hjá ASÍ, mætti í Ísland í bítið á Bylgjunni í morgun ásamt Ernu Dís Ingólfsdóttur, framkvæmdastjóra mannauðs hjá Íslandshótelum. Þar ræddu þær stöðu hinsegin fólks á vinnumarkaði en ASÍ ásamt BHM, BSRB og KÍ standa fyrir málþingi klukkan 16:00 í dag um málefnið.
„Við erum að standa fyrir þessu, heildarsamtök launafólks, öll samtökin eru saman. Hvar liggur okkar ábyrgð? Hvernig geta stéttarfélögin tekið þetta málefni til sín, reynt að lyfta þessu og vekja máls á því. Því það er svolítil hætta á því að við leggjum eitthvað fram og svo tekur enginn boltann áfram til þess að ræða það. Þannig að við erum að reyna að skapa vettvang til þess.“
Hlusta má á viðtalið í heild hér fyrir neðan.
