Sara S. Öldudóttir hefur verið ráðin í starf vinnumarkaðssérfræðings hjá ASÍ og hefur hún störf í byrjun febrúar.
Sara er menntuð í félagsvísindum. Hún er með BA-gráðu í mannfræði frá Háskóla Íslands og MSc í stjórnmálum alþjóðahagkerfisins frá London School of Economics and Political Science. Hún stundaði einnig doktorsnám í félagsfræði við Háskóla Íslands þar sem hún rannsakaði viðhorf almennings til umhverfismála út frá hnattrænni misskiptingu.
Síðastliðin tvö ár hefur hún starfað á vettvangi verkalýðsmála sem sérfræðingur við rannsóknir og greiningar hjá Eflingu stéttarfélagi. Áður starfaði hún við stundakennslu og rannsóknir við Háskóla Íslands þar sem hún sinnti formennsku í hagsmunafélagi stundakennara um tveggja ára skeið. Sara hefur einnig starfað við fjölþjóðleg menningarverkefni, m.a. með Listahátíðinni Cycle.
Alþýðusambandið býður Söru velkomna til starfa.
