Róbert Farestveit nýr sviðsstjóri hjá ASÍ

Róbert Farestveit hefur verið ráðinn sviðsstjóri stefnumótunar og greininga hjá Alþýðusambandinu. Róbert hefur starfað hjá hjá ASÍ undanfarin 8 ár en hann útskrifaðist með M.Sc. gráðu í þjóðhagfræði frá Lund University í Svíþjóð árið 2012. Hann starfaði hjá Glitni og Íslandsbanka meðfram námi.

Róbert hefur unnið að fjölbreyttum verkefnum innan verkalýðshreyfingarinnar. Má þar nefna ráðgjöf við kjarasamningsgerð, greiningu á efnahags-, skatta-, atvinnu- og vinnumarkaðsmálum ásamt þátttöku í alþjóðastarfi innan verkalýðshreyfingarinnar. Róbert hefur einnig starfað við stundakennslu í hagfræði hjá Háskólanum í Reykjavík, setið í Vísinda- og tækniráði frá árinu 2013 og setið í nefndum á vegum Evrópsku verkalýðshreyfingarinnar, ETUC.