Arnaldur Grétarsson nýr starfsmaður ASÍ

Alþýðusamband Íslands hefur ráðið Arnald Grétarsson í starf samfélagsmiðla sérfræðings á skrifstofu sambandsins.

Arnaldur starfaði áður við stafræna vöruþróun og markaðssetningu hjá QuizUp og sem sérfræðingur í markaðsdeild Advania. Þá hefur hann komið að framleiðslu á ýmsum ráðstefnum, viðburðum og sviðsuppfærslum og kynningarmálum þeim tengdum.

Arnaldur er mannfræðingur að mennt frá Háskóla Íslands og hefur einnig numið menningarstjórnun við Háskólann á Bifröst. Hann er kvæntur Auði Ástráðsdóttur, byggingafræðingi og eiga þau saman þrjár dætur.