Ryðjum hindrunum úr vegi – kvenfrelsi og stéttabarátta.
Kvennaráðstefna ASÍ er nú haldin 4 árið í röð og fer fram að þessu sinni á Hótel KEA á Akureyri. Kvennaráðstefnan er mikilvægur vettvangur fyrir konur innan úr verkalýðshreyfingunni til að hittast, skiptast á reynslusögum og þétta raðirnar. Hugmyndin er að auka veg kvenna innan hreyfingarinnar og vinna saman að framgangi öflugra kvenna, en enn skortir nokkuð á að konur séu til jafns við karla í áhrifastöðum innan hreyfingarinnar.
Ráðstefnan stendur yfir dagana 14. – 15. nóvember og verða mörg fræðsluerindi og málstofur á dagskrá auk tækifæra til að efla tengslin. Gaman er að segja frá því að metþátttaka er á Kvennaráðstefnu ASÍ í ár, en meira en 100 konur allstaðar af landinu eru skráðar til leiks. Þátttaka á Kvennaráðstefnu hefur aukist jafnt og þétt, ár frá ári, sem má vænta að skili fleiri konum í áhrifastöður innan hreyfingarinnar.
