Alþýðusamband Íslands hefur ráðið Karen Ósk Nielsen Björnsdóttur í starf lögfræðings á skrifstofu sambandsins.
Karen er með Mag. jur. gráðu í lögfræði frá Háskóla Íslands en hún hóf einmitt störf innan verkalýðshreyfingarinnar meðfram námi árið 2015, þá hjá Eflingu-stéttarfélagi.
Karen starfaði síðar hjá LAG lögmönnum sf. þar sem helstu verkefni hennar voru á sviði vinnuréttar fyrir hönd Eflingar-stéttarfélags. Hún hefur einnig umtalsverða reynslu af þjónustu- og verkamannastörfum innan félagssvæða stéttarfélaga innan ASÍ.
