Í tveimur nýlegum þáttum Þetta helst á RÚV er fjallað um kjör og aðstæður filippseyskra au pair-kvenna á Íslandi. Þar lýsa viðmælendur áhyggjum af því að svokallað vistráðningarkerfi uppfylli ekki tilgang sinn og að það sé í mörgum tilvikum nýtt sem leið til að fá ódýrt vinnuafl fremur en að um raunveruleg menningarskipti sé að ræða.
ASÍ hefur ítrekað vakið athygli á ágöllum au pair-kerfisins, meðal annars í umsögnum til Alþingis og bent á að um sé að ræða berskjaldaðan hóp sem njóti takmarkaðra réttinda og skortur sé á skýrri vernd og eftirliti. Sams konar áhyggjur hafa komið fram víðar á Norðurlöndum og árið 2023 afnam Noregur sérstakt dvalarleyfi fyrir au pair með vísan til brota og kerfisbundinnar misnotkunar.
Hér má hlusta á umfjöllun Þetta helst:
