Verkalýðshreyfingin í heild og Alþýðusamband Íslands, sem miðpunktur hennar er helsti drifkraftur jákvæðra breytinga í íslensku samfélagi síðustu 100 árin.

Finnbjörn A. Hermannsson | Forseti ASÍ

Fullyrða má að allir helstu sigrar í réttindabaráttu launafólks og allrar alþýðu hér á landi eru beint eða óbeint árangur af starfi Alþýðusambands Íslands og aðildarsamtaka þess. Það er jafnframt ljóst að þessir sigrar kostuðu oft mikil átök og miklar fórnir þess verkafólks sem stóð í eldlínunni.

Það er því mikilvægt að kynna sér og skilja sögu verkalýðshreyfingarinnar á Íslandi, til að skilja til fulls þá samfélagsgerð sem við búum við í dag.

Árið 2013 var saga ASÍ, rituð af sagnfræðingnum Sumarliða Ísleifssyni, gefin út í tveimur bindum.

Fyrra bindið ber undirtitilinn Í samtök og nær yfir tímabilið 1916-1960 og hið síðara kallast Til velferðar og nær frá 1960-2010.

Bókin var gefin út áf rafrænu formi árið 2016, á 100 ára afmæli sambandsins.

Hagspá Alþýðusambands Íslands 2025 hefur nú verið birt. Spáin nær til næstu tveggja ára, eða til tímabilsins 2025-2027.

Helst ber að nefna að samkvæmt hagspánni eru skýr merki um kólnun í hagkerfinu þótt töluverður þróttur hafi verið í efnahagsumsvifum á þessu ári. Ætla má að hagvöxtur verði 1,4% á þessu ári og 1,6% á því næsta, samkvæmt grunnspá.

Vöxtur hagkerfisins er þannig hægur í sögulegu samhengi og endurspeglar þétt taumhald peningastefnu Seðlabankans.

Alþýðusamband Íslands gefur út fjölbreyttar greiningar og skýrslur um íslenskan vinnumarkað yfir árið.

Einnig veitir ASÍ umsagnir um flest þingmál sem varða íslenskan vinnumarkað og hag íslensks launafólks.

Þá sendir miðstjórn ASÍ reglulega frá sér ályktanir um málefni sem tengjast íslenskum vinnumarkaði.